బాంబే డైయింగ్ అండ్ మాన్యుఫ్యాక్చరింగ్ కంపెనీ లిమిటెడ్, భారతదేశంలోని ముంబైలో ప్రధాన కార్యాలయం కలిగిన ఒక భారతీయ వస్త్ర సంస్థ. ఇది వాడియా గ్రూప్ అనుబంధ సంస్థగా పనిచేస్తుంది. దీనికి దేశంలోని అతిపెద్ద టెక్స్‌టైల్ కంపెనీలలో ఒకటిగా పేరుంది. దీని ఛైర్మన్ నుస్లీ వాడియా.మార్చి 2011లో, ఆయన చిన్న కుమారుడు జహంగీర్ వాడియా కంపెనీ మేనేజింగ్ డైరెక్టర్ గా నియమించబడ్డాడు, పెద్ద కుమారుడు నెస్ వాడియా కంపెనీ జాయింట్ ఎండి పదవికి రాజీనామా చేసాడు. టాటా గ్రూప్ మాజీ చైర్మన్ రతన్ టాటా 2013 వరకు డైరెక్టర్ల బోర్డులో ఉన్నాడు. ఆయన రాజీనామా చేసి సైరస్ పల్లోంజీ మిస్త్రీ బాధ్యతలు స్వీకరించాడు. రిలయన్స్ ఇండస్ట్రీస్ లిమిటెడ్ స్థాపకుడు దివంగత ధీరూభాయ్ అంబానీ, కలకత్తాకు చెందిన జనపనార వ్యాపారి దివంగత అరుణ్ బజోరియాల మధ్య వివాదాల కారణంగా బాంబే డైయింగ్ తరచుగా వార్తల్లో ఉండేది. Wikipedia