எம்பிராயெர் எஸ்.ஏ. வணிக, படைத்துறை, செயலலுவலர், வேளாண்மைப் பயன்பாட்டிற்கான வானூர்திகளைத் தயாரிக்கும் பிரேசிலிய வான்வெளித்துறை நிறுவனக் குழுமம் ஆகும். இது வான்வெளிவழிப் பயணங்களுக்கான சேவைகளையும் வழங்குகிறது. இதன் தலைமையகம் சாவோ பவுலோ மாநிலத்தில் சாவோ ஓசே டோசு கேம்போசில் அமைந்துள்ளது. எம்பிராயேர் ஏர் டிரான்ஸ்போர்ட் ஆக்சன் குழுமத்தின் அங்கமாகும். இதன் முதன்மை செயல் அதிகாரியாக, பிரெடெரிக்கோ குரடொ பொறுப்பில் உள்ளார். வணிக வான்வெளித்துறையில் இவரது பங்களிப்பிற்காக 2012இல் டோனி யானுசு விருது வழங்கப்பட்டுள்ளது. மிகப் பெரிய வானூர்தி தயாரிப்பாளர்களான ஏர்பஸ் மற்றும் போயிங் நிறுவனங்களுக்கு அடுத்தநிலையில் மூன்றாவது இடத்தைப் பெற எம்பிராயெர் கனடாவின் பம்பார்டியெர் நிறுவனத்துடன் போட்டியிடுகிறது. Wikipedia